Position Overview & Specifications
Mae cyfle wedi codi i unigolyn profiadol, dawnus a brwdfrydig ymuno â’r tîm Amgylchedd Adeiledig. Mae’r adran Amgylchedd Adeiledig yn uchelgeisiol ac mae gennym weledigaeth glir ar gyfer darparu ac ysbrydoli. Taith addysgol y myfyriwr yw’r peth pwysicaf i ni. Fel adran, rydym yn addasu’n barhaus i gadw i fyny â diwydiant sy’n esblygu ac yn gweithio tuag at agenda ‘werdd’.
Bydd y Darlithydd Plymwaith 0.5 yn gyfrifol am ddatblygu a chyflwyno ystod eang o strategaethau addysgu, dysgu ac asesu, yn ogystal â monitro cynnydd dysgwyr a darparu adborth effeithiol trwy gydol y flwyddyn academaidd. Mae rhagoriaeth mewn addysgu a dysgu yn flaenoriaeth allweddol i Goleg Gwyr Abertawe.
Bydd yr ymgeisydd delfrydol yn gyfathrebwr hyderus, yn frwdfrydig ac yn ymrwymedig i ysbrydoli ac annog dysgwyr i wireddu eu potensial. Bydd gennych sgiliau trefnu a datrys problemau da iawn a byddwch yn barod i weithio’n hyblyg. Bydd gennych gymhwyster Lefel 3 mewn plymwaith a byddai meddu ar gymhwyster addysgu yn ddymunol, ond nid yw hyn yn hanfodol. Os nad oes gennych gymhwyster addysgu byddwn yn eich cefnogi i ennill TAR.
Ni cheir ceisiadau Cymraeg eu trin yn llai ffafriol na cheisiadau Saesneg. Mae Coleg Gwyr Abertawe’n cydnabod pwysigrwydd darparu gwasanaethau cyfrwng Cymraeg ac yn cydnabod hefyd yr angen i ddatblygu gweithlu dwyieithog. Rydym felly yn annog unigolion sy’n meddu ar Sgiliau Cymraeg da i wneud cais.
Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac yn disgwyl i’r holl staff rhannu’r ymrwymiad hwn. Bydd penodiadau eu gwneud ar sail gwiriad DBS manylach a bydd gofyn i chi ymaelodi â Chyngor Gweithlu Addysg Cymru.
Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno’ch cais yn gynnar.
Cyflog: £21,506 - £42,326 y flwyddyn yn dibynnu ar gymwysterau a phrofiad.